Čällee: Petter Morottaja

Suábi maainâs lii Petter Morottaja čäällim mainâskirje, mii lii kočodum vuossâmužžân anarâškielân almostittum nuorâi fantasiaromanin.

Kirje algâjuurdâ šoodâi Avni Kuuvast, kote ornij kuvviimijd, main motomeh párnááh lijjii kárvudâttâm suu kuárrum pihtâsijd. Kirje maainâs šoodâi uásild kuuvij vuáđuld, já maŋeláá uárnejui vala nubbe kuvvim, vâi mainâsân heivejeijee koveh váldojii lase. Kuuvijd lii váldám Martti Rikkonen.

Kirje vuossâmuš loho lii luhhum páádán Fárru-siijđoin.