Servi lii almostittám ive 1988 rääjist Anarâš-loostâ, mii lii seervi jeessânlostâ. Ohtân numerin lii Anarâš-kalender, mast lii jo šoddâm klassikko. Kalenderist lii jieškođe-uv ive mottoom teema seervi jesânij tuoivui mield:
- 1996: Anarâš iveääigih
- 1997: Puáris tááluh
- 1998: Säämi pihtseh
- 1999: (ij teema)
- 2000: Säämi muorah
- 2001: Säämi anotiiŋgah
- 2002: Aanaarjäävri kyeleh
- 2003: Säämi piäđuh
- 2004: Säämi myerjih
- 2005: Säämi kirjálâšvuotân vaikuttâm ulmuuh
- 2006: Säämi varbuslodeh
- 2007: Kuobbâreh
- 2008: Párnái sárguseh já čalluuh ellein
- 2009: Pase pääihih já sieidih
- 2010: Anarâš purrâmâšah
- 2011: Säämi kirdee tiivreh
- 2012: Säämi peivikozzâlodeh
- 2013: Säämi äigi
- 2014: Olespyehčee čäcilodeh
- 2015: Anarâš suuvah
- 2016: Säämi jálukeeđgih
- 2017: Eennâmpaihij nomâttâsah
- 2018: Euroop oppuulodeh
- 2019: Anarâškiel šaddonoomah
- 2020: Säämi jeggilodeh
- 2021: Anarâškiel tiivtah
- 2022: Livđe
- 2023: Kođđeem
Njuhčâmáánu 2023 rääjist servi lii almostittám anarâškielâg Anarâš aavis -nettiloostâ. Taat lii áinoo sämikielâg aavis Suomâst. Aavis peividuvvoo ucemustáá kulmii ohhoost.
Iivij 2018–2023 servi almostitij Loostâš-nuorâilostâ, mii ive 2024 rääjist lii lohtum uássin Anarâš aavis -loostâ.
Loostâi lasseen servi viggá almostittiđ ruttâtile mield meiddei uđđâ anarâškielâg kiirjijd.