Anarâškielâ servi tiävdá 40 ihheed.
Seervi váldujuhle tuálloo Sajosist majebaargâ 24.11.2026 tijme 16.30–20. Lasetiäđuid juuhlijn tun kaavnah Anarâš aavis almostittem tiäđáttâsâst. HUÁM! Äigitavlusuujâi tiet párnái juhle lii maasâdkessum. Ton saajeest párnáid uárnejuvvojeh 23.11. pargopáájáh Anarist já Avelist.
Seervi váldujuuhlán lii munealmottâttâm purâdem orniistâllâm tiet. Toh, kiäh halijdeh purâdiđ, kalgeh mäksiđ 10 euro máávsu purrâmušâst. Vuálá 15-ahasiih peesih purâdiđ nuuvtá.
Munealmottâttâm lii čannee. Taat meerhâš tom, et servi tiiláá purrâmuš tiätu mere munealmottâtmij mield, adai juhlepeeivi ij innig pyevti almottâttâđ puurâdmân.
Purrâmušmáksu máksoo seervi tilin. Mäksimtiäđuh kávnojeh almottâttâmluámáttuvâst.
Almottât seervi váldujuuhlán vuoluubeln leijee QR-koodi tâi liiŋkâ peht majemustáá 15.11.2026 tijme 23.59.
Jis tust láá koččâmušah, te tun puávtáh väldiđ ohtâvuođâ seervi čällei: callee@anaraskielaservi.fi.
Anarâškielâ servi lii finnim juhle várás ruttâdem Aanaar kieldâst. Siärván mieđettui kieldâ eellimvyeimi tuárjoo toorjâ 3 750 eurod.
