Anarâškielâg media

Servi lii almostittám ive 1988 rääjist Anarâš-loostâ, mii lii seervi jeessânlostâ. Ohtân numerin lii Anarâš-kalender, mast lii jo šoddâm klassikko. Kalenderist lii jieškođe-uv ive mottoom teema seervi jesânij tuoivui mield.

Njuhčâmáánu 2023 rääjist servi lii almostittám anarâškielâg Anarâš aavis -nettiloostâ. Taat lii áinoo sämikielâg aavis Suomâst. Aavis peividuvvoo ucemustáá kulmii ohhoost. 

Servi paijeentuálá já oovded anarâškielâg Wikipediaa. Ton lasseen servi uárnee Wikipedia-pargopáájáid jyehi ive.

Iivij 2018–2023 servi almostitij Loostâš-nuorâilostâ, mii ive 2024 rääjist lii lohtum uássin Anarâš aavis -loostâ.

Iviij 2007–2011 servi almostitij Kierâš-loostâid. Loostah kávnojeh tääbbin.

Čaabâkirjálâšvuotâ

Anarâškielâ servi almostit anarâškielâg čaabâkirjálâšvuođâ. 

Iivij 2015–2021 servi olášutij “100 čälled anarâškielân” -proojeekt, mon ääigi čallui uđđâ anarâškielâg čaabâkirjálâšvuotâ já jurgâluvvojii jieškote-uvlágáneh kirjeh. Majemui iivij servi lii vuáijum eromâšávt nuorâikirjálâšvuotân, tastko nuorâi kielâtááiđui ovdedem lii lamaš äigikyevdilis äšši já tastko nuoráid ij lamaš fáállun anarâškielâg luhâmuš. 

Listo Anarâškielâ seervi almostittem kiirjijn kávnoo tääbbin.